Revele d’ane SRDH: 2021
1ye Me 2021 Kominotè Plante Pyebwa pou jounen Nasyonal Travay ak Agrikilti Ayiti
Pwojè 1ye Me a
LTe fet nan Me 2021, SRDH te dirije premye jounen sansibilizasyon pou plante pye bwa ansanm ak òganizasyon YoutHaiti. Ansanm, SRDH ak YoutHaiti te fè yon prezantasyon sou enpòtans plante pye bwa, apre sa yo te dirije yon gwoup 93 elèv pou yo plante pye bwa atravè Duchity. An total, plis pase 3,000 plant te plante jou sa a.
Jounen Pwojè premye Me a ogmante konsyantizasyon kominote a pou objektif pwojè SRDH, epi angaje jèn yo nan yon eksperyans edikasyon pratik. Jean-fenel Dorvilier, Prezidan SRDH, te ede grandi epi plante pye bwa jou 1ye me, ki se anivèsè nesans li. Li atribiye lanmou li pou rebwazman ak pye bwa nan eksperyans fòmasyon sa yo. Lè nou pataje eksperyans sa ak jèn Duchyti, nou espere ke anpil nan timoun yo ak jèn yo dekouvri pwòp pasyon yo pou rebwazman, konsèvasyon, ak agwoferestye.
Swiv lyen sa a pou w gade yon videyo sou Mini Pwojè premye Me a ki sot pase a.
Semans yo jèmen nan sache jiskaske ase gwo pou yo plante.
Forè kominotè a
SRDH te kòmanse a ane sa, nou te plante 1,236 plant sou yon teren 1000 mèt kare. Nan sant vil Duchity, forè kominotè a byen pozisyone pou sèvi kòm yon teren fòmasyon pou anplwaye SRDH, patnè kominote yo, ak patisipan pwojè yo. Anplis de sa, forè sa kapab bay kominote Duchity a pwodwi forè ak abita pou fon natif natal Duchity yo.An 2022, n ap konsantre nou sou achte oswa lwe teren pou elaji forè kominotè yo ak yon rejim siveyans.
Nou te resevwa sipò nan men òganizasyon Trees that Feed pou nou plante pyebwa nan forè kominotè nou an. Yo te ba nou 300 pye chadek pou nou plante nan forè a kòm yon lòt sous fwi ki baze sou pye bwa.
Yon kay Duchite apre tranbleman tè a.
Sekous Tranbleman
Nan maten 14 aout 2021, yon tranblemanntè 7.2 mayitid te frape Ayiti ak peyi vwazen yo. Episant tranblemanntè a te trè pre Duchity, sa lakòz anpil domaj ak doulè atravè kominote a. SRDH te bay èd mityèl atravè rekonstwi kay, distribye manje, dlo, ak medikaman bay moun ki te bezwen sipò. Nou remèsye moun ki te sipòte SRDH pou nou te kapab distribye pwovizyon epi kontribye nan efò rekonstwi.
Prezidan SRDH Jean-fenel Dorvilier ap prepare sachè jèminasyon ti plant yo.
Yon Koudèy sou Ane 2022 a
Pandan n ap antre nan ane 2022 a, SRDH gen anpil pèspektiv. N ap travay pou nou jwenn finansman pou nou ka achte plis tè pou nou elaji forè kominotè. Depan de disponiblite te, nou ka petet triple gwosè forè a an 2022. Le nou fin gen te a, nou gen pase 1,500 plant ki pare pou nou plante sou tè a.
Nou kontan anonse ke n ap prepare pou dezyèm Pwojè anyèl premye Me an! Anplwaye ak patnè SRDH yo deja prepare 2,250 sache pou plant yo grandi, pou yo gentan pare pou yo plante jou premye me a.
Nou espere konstwi yon abri pou kom repozwa ak yon depo pou zouti pou travayè SRDH ak manm kominote yo toupre forè kominotè an ane sa. Zòn sa kapab sèvi kòm yon kote reyinyon ak abri pandan lapli pou moun k ap travay oswa vizite forè kominotè a.
Finalman, nou kòmanse planifye pwochen faz nan pwojè a - aplikasyon agwoforestye sou tè kiltivatè yo! Nou toujou nan etap planifikasyon pwojè sa; rete branche pou mizajou yo!
Nou Bezwen Sipò Ou!
Pou nou kontinye travay n ap fè a, nou bezwen finansman! Konsidere bay SRDH yon don avèk lyen sa. Tanpri sonje ke paj sa a konekte ou ak sipòtè fiskal nou an, kote yo pral fe pwosesis peman ou a.